Réttlætismál

Ég ætla að vona að hún Dögg litla hér á undan mér sé að grínast.

Þetta er grundvallar réttlætismál.

Myntkörfulánin eru forgangsatriði í þessum hrunadansi.

Ég tek það fram að ég er ekki með myntkörfulán og ekkert af mínum börnum. Slík lán koma mér persónulega ekkert við. En, um tíma voru ráðgjafar lánastofnana nógu sannfærandi til að selja þúsundum af ungu fólki þessi lán.

 Hvað á að gera við þetta unga fólk? Hneppa það á ævilangan skuldaklafa af því það hafði ekki þroska til að vantreysta þeim sem voru sérstaklega menntaðir til að veita bestu ráðin?

Ég verð bara að segja: Fórnum ekki meira af komandi kynslóðum en við nauðsynlega þurfum.

Nóg er nú samt.

Afborganir verði frystar

Athugasemdir

[Jóna Kolbrún Garðarsdóttir, 15.10.2008 kl. 01:57]

Eitt af mínum börnum fjárfesti í bíl í fyrra og var henni ráðlagt að taka myntkörfulán, þau voru svo hagstæð þá.  Í dag situr hún í súpunni, ásamt allt of mörgum öðrum.  Með risalán og verðfallna bíla.