Verum spök.

Heyriði... Þjóðin er búin að heimta það s.l. sex vikur að erlendir sérfræðingar taki að sér rannsókn á hruninu og vinni að tillögum um framhaldið.

Eigum við ekki bara að vera spök, þegar það gerist?

Forsætisráðuneyti ræður sænskan sérfræðing

Mannvonska

Eru engin takmörk fyrir mannvonsku valdhafa?

Hvaða djöflaflokkur er þetta eiginlega?

Er þá ekki næst að taka hvíta stafinn af blindum, heyrnartæki af heyrnarskertum, gangráða úr hjartaveikum og svo koll af kolli.

Hvers vegna opnar þetta hyski ekki bara stóran gasklefa og fleygir þangað öllum sem þurfa á samfélagslegri hjálp að halda? Langódýrasti kosturinn.

Eins og að rukka fyrir klósettferðir

Hættum sjálf

Við viljum að útrásarvíkingarnir líði fyrir gjaldþrotið og skömmina sem þeir hafa leitt yfir okkur og heimtum að ríkisstjórnin grípi til aðgerða gagnvart þeim.

En hvernig væri að við byrjuðum sjálf - heima hjá okkur.

Hættum að taka á móti, lesa, eða auglýsa, í fréttamiðlum og tímaritum í eigu 365.

Hættum að versla í Bónus.

Er ekki kominn tími til að við kippum fótum undan þessum lýð þar sem við getum það?

 

Munurinn á kúk og skít

Hvað er að þesari ríkisstjórn? Hvers vegna gerir hún ráð fyrir að allt geti breyst hér, án þess að staða hennar breytist?

Það má segja að Össur hafi misst út úr sér eina sannleikann sem heyrst hefur í öllu þvaðrinu um aðgerðaráætlanir síðustu vikurnar. Talandi um gjaldþrot, tók hann sem fundarstjóra sem dæmi og sagði að hann sagði að hann yrði "ekki eins gjaldþrota og hann hefði orðið" ef ekki aðgerðaráætlun hefði ekki komið til.

En gjaldþrota verður hann.

Hann fær bara að búa áfram í íbúðinni sinni. Nota bene, fundarstjóri var tekinn sem dæmi um heimili í landinu.

Í aðgerðaráætlun ríkisstjórnarinnar er sem sagt, gert ráð fyrir að heimilin í landinu verði gjaldþrota. Lái mér einhver, en ég skil ekki muninn á gjaldþroti og gjaldþroti. Það er enginn munur á kúk og skít.

Það er ljóst að ríkisstjórnin ætlar ekki að fara. Þá er ekki um annað að ræða en að við förum bara sjálf og skiljum hana eftir með vandann.

 

„Þetta er þjóðin“

Fum og fát

Það er ekki von að þjóðin treysti stjórnarandstöðunni neitt betur en stjórninni. Hvaða stjarnfræðilega dómgreindarleysi er það að eyða heilum degi í vantrauststuð? Er Steingrími Sigfússyni ekki sjálfrátt.

Það enda allar kosningar á því að hann lýsir sig reiðubúinn í ríkisstjórn, ekki síst með Sjálfstæðisflokknum, en líka hinum flokkunum - en enginn vill vera memmmmmmm.....

Fyrir stuttu lýsti hann því yfir að hann mundi ekki fara í ríkisstjórn með neinum af þessum flokkum ef kosið yrði núna. Það var á sama tíma og hann bauðst til að fara leyniferð til Noregs með betlistaf. Og gott ef það var ekki á svipuðum tíma og hann var til í að mynda þjóðstjórn, bráðabirgðastjórn.... hvaða stjórn sem væri, baa að hann fengi að vera með.

Svo þegar honum er ljóst að enginn vill vera með honum, þá fer hann í fýlu og lýsir vantrausti á ríkisstjórnina..

Hvað kostar það þjóðina að halda 63 einstaklingum uppi á þessu dæmalausa snakki í sex til sjö tíma, að ekki sé talað um spandalinn sem felst í því að vera með beina útsendingu.

Er ekki mál að Steingrímur Sigfússon leiti sér hjálpar vegna athyglissýki og fari síðan á námskeið til að læra hvernig á að nálgast önnur börn.

Vantrauststillaga felld

Hjúkk

Mikið er ég fegin að hafa fengið að vita þetta.

Sáust kyssast og knúsast

Desperado

Hrikalega er maðurinn "DESPERAT" að fá að vera með strákunum sem hann er alltaf að gagnrýna. Er ekkert að flökra að honum að það sé einhver haldbær ástæða fyrir því að þeir vilji ekki vera með honum?

Það eru nú ekki margar vikur síðan hann lýsti því yfir að hann myndi ekki fara með neinum af núverandi flokkum í ríkisstjórnarsamstarf ef til kosninga kæmi. En var svo bara allan tímann að reyna að klastra saman stjórn þar sem hann fengi að vera með þeim öllum.

Það held ég að eitthvað sé nú farið að þynnast rassspilverkið á buxunum piltsins þess arna.

Ha?

Er þetta ekki maðurinn sem hefur tekið þátt í því með okkur hinum að mótmæla þögn ráðamanna og öllu þessu leynimakki?

Vildi leynilega sendinefnd til Noregs

Skilur ekki hvað?

Þetta er alveg fyrirsjáanleg og kórrétt afstaða á hinni fræknu tungu, geirhaardísku, sem á öll sín stofnorð í hroka og hortugheitum.

Þetta "ekkert" sem naðurinn talar um er nú bara næstum því heil þjóð.

Það er ekki von að hann skilji hvað sé í gangi í Framsóknarflokknum. Hann skilur yfir höfuð ekki hvað er í gangi.

Ekkert kallar á afsagnir

Draumahönnuður

 Ný heilsustefna? Má maður spyrja hvernig aðgerðaráætlunin lítur út. Þá er ég að ekki að tala um þessa sem er full af "stefnt skal að" og "fleygjum pakkanum í sveitarfélögin" og "látum alla sem vinna félagsstörf vinna enn meira frítt" og "markmiðið er," sem og öðru innihaldslausu bulli.

Þetta er alveg hrikalega göfug hugmynd hjá GÞÞ - en - maður hlýtur að spyrja hvort hann sé að koma úr ferðalagi frá annarri plánetu. Veit hann ekki að gjaldþrot, heimilismissir, atvinnumissir og ærumissir eru þættir sem hafa þveröfug áhrif á sálarlíf fólks en sú draumsýn sem hann boðar?

Hvernig ætlar pilturinn að hanna þessa líka fínu heilsu í þjóðina? Hefur það alveg farið framhjá honum að hann situr í ríkisstjórn sem að stórum hluta ber ábyrgð á því að leggja hana í rúst?

Það væri fróðlegt að sjá raunhæfa aðgerðaráætlun hans. Til dæmis, hvernig hann ætlar að fjármagna pakkann, hverjir eiga að vinna hann, hver á að sjá til þess að sálarlega sködduð þjóðin viðgerist á mettíma og hvernig á að fara að því.

Því miður, það er ekkert "backspace" á þessari undarlegu ríksisstjórn sem hann býr í. Það er engin leið að taka atburði síðustu sex vikna til baka. Hann ætti kannski að spjalla við heimilisfólkið í sínu ríkisstjórnarvirki áður en hann fer að hanna drauma til að hylla lýðinn sem stendur agndofa og laskaður á sviðinni jörðinni handan við hljóðeinangraða múrana.

Ný heilsustefna heilbrigðisráðherra