Blóð og brenna

Mikið var!

Hvers vegna voru eignir auðmanna ekki frystar strax - um leið og ljóst var að hér var allt í kalda koli.

Hvers vegna eru eignir þessarra manna - sem einir halda ró sinni í ósköpunum sem dynja yfir okkur - ekki látnar greiða innistæður í erlendum fyrirtækjum íslenskra banka? Það eru þeir sem hafa mokað peningunum út úr þessum fyrirtækjum til að berast á.

Hvers vegna á venjulegum Íslendingum að blæða til ólífis, horfandi á fátæklegar eignir sínar brenna til ösku á meðan hryðjuverkamennirnir stæra sig af því að hafa náð að stökkva frá borði með gullkistur sínar?

 Eða, áttum við að upplifa létti þegar fréttist að "auðmönnum" þjóðarinnar væri borgið?

Hvert var markmiðið með fréttinni?

Og hafi Davíð Oddsson - sem einn Íslendinga hefur gerst uppvís að einræðistilburðum - ekki frétt það, þá virðist þjóðin þeirrar skoðunar, í auknum mæli, að hann segi af sér stöðu Seðlabankastjóra. En það er nú eins og það er með Davíð og lýðræðið.

Vill seðlabankastjórana burt

Athugasemdir

[Bjarni Kjartansson, 9.10.2008 kl. 12:36]

Spurningin er samt:

HVað hefur Davíð gert af sér í þessu starfi sínu, sem geri rétt hans til starfans tapaðann?

Hvar í lögum um réttindi og skyldur opinberra starfsmanna,  svo ber að benda á lög um Stjórnsýslu.

Friðþægingarlamb til slátrunar er ekki viðeigandi, slátrun utan rétts og laga er ekki háttur okkar síðustu aldir ef frá eru talin árásir á heiður manna á grunni einhvers uppdiktaðs.

Vonandi skilur þú þetta Súsanna, því að svo mun um skynsamt fólk, að það lætur ekki leiða sig í sefjun MÚGS.

Með virðingu

Miðbæjaríhaldið

[Súsanna Svavarsdóttir, 9.10.2008 kl. 12:57]

Veit ekki hvort er verra á þessum tímum sefjun MÚGS sem er að tapa aleigunni, eða BLIND hollusta við þá sem sjá aldrei flísina í sínu auga.

[Halli (IP-tala skráð) 9.10.2008 kl. 13:20]

Góður punktur hjá þér Súsanna þetta með hollustuna,  ég hugsa að "miðbæjaríhaldið " hafi kannski heldur ekki auga fyrir eðli og hegðun alþjóðlegra markaða frekar en DO.   Það hlýtur að vera forgangsmál þegar um hægist í þessu efnahagsfárviðri að láta hann taka polann sinn, annað þykir mér óhugsandi.   Það var og er í hæst máta ófaglegt og rangt að hafa DO sem seðlabankastjóra.  Maðurinn blóðugur upp að öxlum eftir bardaga við Baugsfeðga og fleiri.  Í þetta embætti verður að ráðast maður sem nýtur fulls trausts allra, og er ráðin til starfa á faglegum grunni.   Stundum hefur verið sagt að Jóhanna Sigurðardóttir félagsmálaráðherra sé drottning líðskrumsins, á þriðjudagskvöldið fannst hinsvegar kóngurinn og getið þið hvað hann heitir.

[Súsanna Svavarsdóttir, 10.10.2008 kl. 10:23]

En svona afþví maðurinn spyr hvað við kunnum að eiga sökótt við DO, er fróðlegt að lesa grein Þorvaldar Gylfasonar frá því í gær, undir yfirskriftinni "Versti seðlabankastjórinn," á visir.is

[Súsanna Svavarsdóttir, 10.10.2008 kl. 10:25]

Bendi einnig á

http://vthorsteinsson.blog.is/blog/vthorsteinsson/entry/664984/