Karlanginn

Það bendir allt til þess að manninn langi til að láta krossfesta sig.

Biskup vildi klifra upp á krossinn

Vammleysi

Hefur ekki Sjálfstæðisflokkurinn alltaf látið eins og fólk þurfi að vera vammlaust til að geta farið í framboð? Svo bara þvælist þetta lið hvert um annað þvert í ósannindum... Annar leiðtoginn í Reykjavíkurkjördæmi - sem og fyrrverandi forsætisráðerra - lugu upp í opið geðið á þjóðinni í fréttum í gær...

Hvernig skilgreinir flokkurinn "vammleysi?"

Guðlaugur Þór hafði forgöngu um styrkina

Æ-æ

Æ-æ... er nú ekki nóg á Framsókn lagt með Höskuldi kjósendaþröskuldi.

Kristinn H. genginn í Framsókn?

Til hamingju!

Frábær tíðindi. Andri Björn er örugglega einn hæfileikaríkasti söngvari sem fram hefur komið hér um margra, margra ára skeið. Það er tilhlökkunarefni að fylgjast með honum næstu árin - því röddin er slík að þess verður ekki langt að bíða að hann fari að gera stóra hluti.

Kiri finnur söngvara

Blessuð gamla hóran

Gömul hóra er gömul hóra, þótt hún sé dubbuð upp í ungæðislegan gogo-galla. Hvenær hafa aðrir en sjálfstæðisflokkurinn getað treyst drósinni Framsókn?

 Í dag var dagurinn sem Framsókn ætlaði að ná athyglinni með því að kynna fjármálastefnu sína - en hún týndist í þessu mega-klúðri. Í dag var dagurinn sem Framsókn tapaði næstu kosningum.

Blessuð gamla hóran - leit vel út um stund eftir "make-over" mómentið - en er nú þegar orðin illa sjúskuð þar sem hún stendur fáklædd í nepjunni úti á horni og bíður eftir glópagulls sjónhverfingum síns gamla mangara.

Framsókn skekur ríkisstjórnina

Hamingjuóskir

Þetta er gleðifrétt. Landnámssetrið er virkilega vel að viðurkenningunni komið. Þar er allt bæði vandað og skemmtilegt - og maturinn er æði.

Landnámssetrið fékk eyrarrósina

Lifi búsáhaldabyltingin

Hvað óttalega er þetta sjálfstæðisfólk treggáfað. Er það ekki enn farið að skilja að hér á landi hefur átt sér stað bylting. Í byltingu er hreinsað til, jafnvel þótt ekki sé úthelt blóði.... Enda erum við friðsamasta þjóð í heimi, samkvæmt könnun sem var birt hér í miðri kreppunni.

Svo viljum við byltingarsinnar norska krónu, mynda auðlindabandalag við Noreg, segja Evrópusambandinu að laga til heima hjá sér (t.d. meðal bænda í Grikklandi) og skila aftur láninu til Alþjóðagjaldeyrissjóðsins.

Þá verður - kannski - hægt að fyrirgefa frjálshyggjuöflunum fyrir "einfeldningsháttinn" og átrúnaðinn á Milton Friedman og Chicagoskólann sem steypti þjóðinni í glötun.

Pétur Blöndal ákallar Ögmund

Flottar tilnefningar

Þetta eru allt frábærar stofnanir og meira en lítið að viðurkenningunni komin - en ég ætla að halda með Eyrbyggju. Það er svo einstakt að byggja upp safn í kringum sagnalistina.

Tilnefnd til Eyrarrósarinnar

Mæli hann manna heilastur

Það hafa varla sannari orð verið sögð í heiminum síðustu þrjá til fjóra áratugina. Við fengum þennan óskapnað yfir okkur af fullum krafti eftir að stjórn Davíðs Oddssonar settist að völdum 1991 og erum að sjá afleiðingarnar í dag. Nota bene, nýfrjálshyggjan hefur stöðugt skipt um kennitölu ef svo má segja, og heitir í dag alþjóðavæðing. Sem þýðir ekkert annað en það að "gróðapungar" hafa haft nánast allann heiminn að leikvelli.

Nýfrjálshyggjan hefur brugðist

Það er skömm að þessu

Við skulum nú bara rétt vona að ný ríkisstjórn hverfi út af þeirri efnahangsstefnu sem mörkuð var í tíð síðustu ríkisstjórnar....

Hvers vegna heldur Geir að hann hafi þurft að taka pokann sinn?

Það var einfaldlega vegna þess að þjóðin vildi ekki þá efnahagsstefnu sem hann markaði.

Að lýsa því yfir að ríkisstjórnin hafi fallið vegna "haturs á einum manni," bendir til að það slái einhverjum vírum saman í hausnum á Geir. Það styður líka enn frekar grun þjóðarinnar um algert heyrnarleysi hans.

Í alkohólfræðunum myndi Geir vera skilgreindur sem verulega "dysfunctional" manneskja. Ef bara er tekið mið af bullinu í honum núna, þá:

 (1)afneitar hann staðreyndum, það er að segja þeim staðreyndum að hann og félagar hans í Sjálfstæðisflokknum bera primer ábyrgð á því frelsi sem ríkt hefur á íslenskum peningamarkaði. Frelsi sem byggist á því (a la Friedman og Chicagoskólinn) að sem lagarammi utan um peningamarkaðinn sé lítill og óljós, helst enginn - til að fé geti flætt óheft út úr landinu í höndum þeirra sem kunna að notfæra sér slíkt til að verða "viðbjóðslega ríkir." Afneitun á því að það er grafalvarlegt mál að semja um lán frá Alþjóðagjaldeyrissjóðnum. Það hefur sýnt sig í fjölmörgum löndum heims (m.a. Suður-Afríku, Póllandi, Rússlandi, Tælandi, svo eitthvað sé nefnt), að Alþjóðagjaldeyrissjóðurinn leiðbeinir ekki þjóðum sem taka lán um efnahagsbætur (eins og reglur sjóðsins sögðu fyrir um þegar hann ar stofnaður að undirlægi Keynes), heldur krefst, skipar og drottnar. Það sjáum við nú þegar á því að það er Alþjóðagjaldeyrissjóðurinn sem ræður stýrivöxtum á Íslandi í dag. Geir afneitar algerlega þeirri staðreynd að þjóðin vildi fyrst og fremst Sjálfstæðisflokkinn í burtu með sínar efnahagsráðstafanir sem eru að steypa heimilum landsins í glötun. En það er hluti af ferlinu sem Alþjóðagjaldeyrissjóðurinn gerir kröfu um. Þar á bæ sjá menn efnahagshrun þjóðar sem tækifæri. Alþýðan skal pínd og kvalin þangað til hún er orðin svo aum að hún samþykkir að galopna allar sínar eigur og auðlyndir fyrir erlendum gróðafyrirtækjum. Þeir hjá Alþjóðagjaldeyrissjóðnum kalla það "endurfæðingu," þjóðar. En fyrst skal strippa hana af öllum möguleikum og sjálfsvirðingu, snúa öllu gildismati á hvolf, skera niður félags- og þjónustkerfið, afnema lágmarkslaun, fjarlægja verðhömlur, keyra upp verðbólguna, skapa atvinnuleysi; láta hana svelta.  Kannast einhver við þessa mynd?

(2) kennir öðrum um, það er að segja, hann kennir Samfylkingunni um stjórnarslitin og heldur því fram upp í opið geðið á okkur kjósendum að það sé vegna haturs á einum manni! Stjórnarslitin eru honum sjálfum að kenna. Þjóðin hefur mótmælt aðgerðum hans og aðgerðarleysi í þrjá mánuði. Hann hlustaði ekki og það hlaut að enda með því að flokkur sem hefur snefil af mannúð á stefnuskrá sinni, hlaut að gefast upp á samstarfinu. Ástæðan fyrir því að stjórnarsamstarfinu lauk, er sú að Geir sjálfur upplýsti þjóð og þing um aðgerðir í efnahagsmálum, heldur hélt sínu striki, undir stjórn Alþjóðagjaldeyrissjóðsins, að steypa þjóðinni endanlega í glötun. Geir hlustaði hlustaði hvorki á þjóð né þing. Einhvers staðar þætti þetta vísbending um að Geir hataði sína þjóð.

(3) ranghugmyndir, það er að segja, Geir hefur virkilega náð að sannfæra sjálfan sig um að hann sé besti maðurinn til að leiða þessa þjóð - jafnvel þótt þjóðin, með bláedrú raunveruleikaskyn af sjokki, hafi eytt ómældum tíma og orku í að koma honum í skilning um annað.

Sjálfstæðisflokkurinn er í dag eins og hundveikur alkohólisti sem kúgar fjölskylduna sína, beitir hana ofbeldi og er alveg sama hvað verður um hanna - bara að hann fái sitt fix.

Átök og einhver misklíð hlýtur að teljast eðlileg í stjórnarsamstarfi tveggja flokka. Ef það er einhver framandi staða fyrir Geir, hlýtur það að vera vegna þess að Sjálfstæðisflokkurinn þekkir helst samstarf þar sem hann kúgar samstarfsflokk sinn. Það er skömm að þessu.

Geir óttast sundrung og misklíð