Draumahönnuður

 Ný heilsustefna? Má maður spyrja hvernig aðgerðaráætlunin lítur út. Þá er ég að ekki að tala um þessa sem er full af "stefnt skal að" og "fleygjum pakkanum í sveitarfélögin" og "látum alla sem vinna félagsstörf vinna enn meira frítt" og "markmiðið er," sem og öðru innihaldslausu bulli.

Þetta er alveg hrikalega göfug hugmynd hjá GÞÞ - en - maður hlýtur að spyrja hvort hann sé að koma úr ferðalagi frá annarri plánetu. Veit hann ekki að gjaldþrot, heimilismissir, atvinnumissir og ærumissir eru þættir sem hafa þveröfug áhrif á sálarlíf fólks en sú draumsýn sem hann boðar?

Hvernig ætlar pilturinn að hanna þessa líka fínu heilsu í þjóðina? Hefur það alveg farið framhjá honum að hann situr í ríkisstjórn sem að stórum hluta ber ábyrgð á því að leggja hana í rúst?

Það væri fróðlegt að sjá raunhæfa aðgerðaráætlun hans. Til dæmis, hvernig hann ætlar að fjármagna pakkann, hverjir eiga að vinna hann, hver á að sjá til þess að sálarlega sködduð þjóðin viðgerist á mettíma og hvernig á að fara að því.

Því miður, það er ekkert "backspace" á þessari undarlegu ríksisstjórn sem hann býr í. Það er engin leið að taka atburði síðustu sex vikna til baka. Hann ætti kannski að spjalla við heimilisfólkið í sínu ríkisstjórnarvirki áður en hann fer að hanna drauma til að hylla lýðinn sem stendur agndofa og laskaður á sviðinni jörðinni handan við hljóðeinangraða múrana.

Ný heilsustefna heilbrigðisráðherra

Athugasemdir

[Alexander Kristófer Gústafsson, 18.11.2008 kl. 16:38]

meiri forvarnir?Jeminn það vantar eitthvað í þennan mann

[Súsanna Svavarsdóttir, 18.11.2008 kl. 16:41]

Nema GÞÞ finni upp forvarnir gegn skorti á raunveruleikaskyni.