Réttsýnn ráðherra

Íslenskur almenningur hlýtur að taka undir þessi orð Browns - og bíða spenntur eftir svipaðri yfirlýsingu frá forsætisráðherra Íslands. Eða, ætlar hann bara að halda áfram að leiða hrunadansinn og svara því einu til að ástandið sé "flókið?"

Það er orðið æði þreytandi að hlusta á íslenska ráðamenn klifa á þessu flækjutali á milli þess sem þeir annað hvort "geta" ekki svarað eða "vilja" ekki svara spurningum.

Ef þeir halda að þeir séu að koma í veg fyrir þjóðar "panik" með þögninni og sem minnstum upplýsingum, þá eru þeir haldnir raunveruleikafirringu.

Hvernig væri að forsætisráðherra legði bara spilin á borðið á blaðamannafundinum í dag - það er að segja, eftir að hann hefur fryst eigur auðmannanna sem hafa komið þjóðinni í þessa úlfakreppu?

Brown: Refsingar fyrir óhóf og ábyrgðarleysi

Athugasemdir

[Villi Asgeirsson, 9.10.2008 kl. 15:39]

Það væri óskandi að þeir gerðu það...

[Vilhjálmur Örn Vilhjálmsson, 9.10.2008 kl. 16:17]

Mikið er gott að einhver sé á sömu skoðun og maður sjálfur. Ég var farinn að halda að bankadrengirnir myndu fá Fálkaorður á stríbu fyrir vel unnin störf, þegar Ólafur Ragnar kæmu úr hjartaþræðingunni.